不知從哪時開始，家長選校指標，總附帶一句「學校關唔關愛？」

究竟關愛校園的準則怎定義？從來沒有 KPI ── 惟校方怎樣營造課後師生共處的機會，而教師不視為教擔，真正享受與學生的關係，才可發揮生命影響生命的育人力量。

位於黃大仙六十載的中華基督教會基協中學（下稱基協），課後舉辦不同活動，釋放更多空間營造師生關係融洽的文化；教師的角色，是陪伴學生經歷，彼此同行才做到另一種教學相長。

撰文、攝影：羅惠儀
部分照片由受訪學校提供

▌學生攀山有夢　老師陪伴有義

兩年前，基協發展「協夢社」計劃，由學生自選感興趣的活動，校方提供資源，如聘請專業導師到校任教，兩年來籌辦了化妝、流行舞、咖啡拉花課程等，而山藝班是其中一項，學生可考取一級及二級山藝證書，去年更衝出香港，挑戰台灣合歡山。

負責教師陳沛晞指，有見學生少有大自然體驗，遂於兩年前開辦山藝課程，「開始時，不是想給予學生挑戰，純粹想他們多接獲大自然。然後考證書，十八歲後可以考三級。將來更有機會做山藝教練、助教，令自己更有目標。」

誠然，未必所有學生畢業後也可以升讀大學，而從興趣方面入手，為學生發展另一種職場技能，乃生涯規劃。「唔會突然『叮』一聲，佢哋會想學山藝……整個過程，我哋一齊行咗十幾次山，露營，不斷跟學生傾偈，問意向，幫他們發掘自己的興趣、夢想。」

為攀登合歡山而操體能、放學跑樓梯，單是獅子山也走過五遍，整個過程，老師一直陪伴，從不缺席，令學生肯嘗試新事物。「合歡山睇日出，要很早起身，有同學不斷抱怨，問點解要去睇日出；但當他見到日出壯麗，終於覺值得；亦有同學開始時態度差，覺得點解要捉佢哋行山，唔知為咩要行山，到瘋狂行獅子山，周末去露營，真係識自己煮到一餐飯時，佢哋都會覺得自己成長咗！」

老師授業  助學生尋夢  

訪問時，每談起學生的點滴，言笑晏晏，年資尚淺的陳沛晞，做老師那團火熾熱。「我哋學生家庭支援不多，如果學校老師唔理佢哋，唔同佢哋friend嘅話，未必會咁想返學。基協的學生，就算成績唔算好好，但就算玩，都會好開心！」

她憶述，讀書時與老師關係不過爾爾；她當老師的夢想，是可與學生亦師亦友，「這代的學生更需要與老師建立關係。當然，一定要先建立『老師』的關係，然後才成為朋友，否則，開始已經很 friend，一定唔work。」
協助學生尋夢，她自覺是老師的首要工作。「對我來說，幫學生找到夢想很重要，人生只是讀書、工作，不會很開心，我很希望學生可以找到喜歡做的事。」

山藝成就「蛻變男」

「我唔想衰畀佢哋睇！」被陳沛晞形容為「蛻變男」的何希堯，直言未接觸山藝前，個性自負。「以前唔係好知自己做緊咩，當行完山，覺得有目標，知道自己缺點，肯慢慢去改；以前心智唔成熟、很幼稚；現在不會，在課堂做返學生應該做嘅事。」何續指，露營、行山時，教練總與大家分享自己的人生經驗，自覺非常「入心」，終於肯嘗試改變。同學蔡皓芯認同：「以前真係唔會理佢，覺得佢好奇怪，依家佢喺課堂好好多！」
山藝，亦是團隊訓練，亦令不同個性學生有機會相處、經歷起跌，亦因此贏得寶貴的友誼。

 

老師的心靈雞湯 |  悲喜有我　與你同在　

基協近年陸續開辦不少新興的體育運動，像軟式曲棍球、巧固球、芬蘭木柱、地壺球等；有別於傳統運動，新興門檻要求相對低，亦易於讓更多學生投入其中。而軟式曲棍球（下稱軟曲）成立短短三年，至今已有三名學生晉身香港代表隊。

任教數學科的教師梁嘉俊不詣運動，卻擔任軟式曲棍球領隊，陪着學生走過不少公開比賽。「當初安排學生參加比賽，只係想他們認真一點去玩，最早期參加的同學都係有興趣，慢慢有空就來，沒空就不來。於是我便幫他們報名參加比賽。當時他們連基本功都沒有。」

他希望透過運動，連繫學生與學校之間的關係，增加歸屬感；然而，最難能可貴的，是師生間培養出真摰的情誼。

教師梁嘉俊不詣運動，擔任軟式曲棍球領隊，純粹陪伴學生比賽，給予精神支持。

既老套又感動

「我就係要教到佢，成為一個更好嘅老師！教到佢升職加人工」「多謝晒！」看似「尊卑」不分的師生對話，旋即同學仔已不住形容老師怎樣好：「這三年來，每次比賽，佢就不斷灌我哋心靈雞湯 ── 輸咗唔緊要，攞經驗就得喇！」

學生馮康源指，梁Sir 做過令自己感動，但又很「老套」的事，是每當比賽落敗，對方便請飲珍珠奶茶。「不過，贏咗都有！」現時軟曲隊約有二十名學生，全都是梁嘉俊親自邀請入隊，冀學生藉着運動改善學習動機。

記者隨便問句，有否試過輸波在老師面前流眼淚，學生肯定的說沒有；
那麼，梁Sir 有沒有喊過？五位受訪學生竟齊聲說：「有！」

有學生憶述中三準備升班時，忘記哪次活動，梁Sir突然說句:「教你哋真係好開心！」便喜極而泣。「佢真係好易喊！」又有同學指，阿Sir無所不知，包括大家的愛情問題。「佢真係唔知邊度收風！」說到底，是梁Sir 對學生每件事都「上心」，而學生亦肯跟他談心事。

學生唐鑫亮說，當學習或遇上困惑都會主動找梁嘉俊。「有個人同自己傾吓會好好多。」馮康源則分享道，中二那年長期缺乏上學動力，不時欠交功課。最後，梁Sir 以不許他參與軟曲練習作脅。「當時返學只返一半（時間）……佢箝制到我！至少今日我可以畢業！」梁Sir為免他再曠課，着對方每早回校都要拍幅相傳給自己，養成習慣。「佢就算唔返學，都要早起影幅相『打卡』畀我！」

訪問尾聲，問同學有沒有一些說話，想在訪問特別對梁Sir說，表現最沈默的曾祥澤鋆如是說：「我很感激阿Sir 多年來的栽培……如果冇佢，我可能上堂仍然會瞓覺，至少依家我會溫書，做運動。」說罷，同學淚盈於睫，與眼淺的梁Sir 相視而哭。

從來，記者採訪最想有的畫面，必然是觸碰到受訪者某些地方而落淚。

旁觀着受訪師生，那種感激有彼此扶持而落淚，絕對要慶幸，今日學界仍有一種關係，叫師生情誼；有種教育，叫生命影響生命。